Le ris’ce sul larin
i piei nti scarpet
le stithe nte camin
garnete sot ai dhet
Corona de rosare
el bront de sora l foc
mathoche de pavare
e l vecio nte l so loc
A scrosola i fasoi
na tega drio na tega
ntant che l bront el boi
fa thelva sot cariega
De fora vien du nef
e nef l’e sora l pal
s’ceruth sta su la sief
la sera de Nadhal
El vecio l misia l bruo
co l veth che fora l fioca
bef sgnapa de caruo
par se refa la boca
Sta l om al foc content
che l ha seca l so fen
pol fa la nef o l vent
no l ha stratha l saren
E gira ntorn la mola
vien l’acqua du par rif
a noi ne par che sgola
el temp de chi che vif
L’e poc che l dea su dret
fin su sora i colmiei
ledhier come n caoret
co le ale sot ai piei
E i agn i pasa via
se sfregolea drio man
va l sol e vien l’ombria
l’e beleche doman.
Nessun commento:
Posta un commento